Sigurta' u Privatezza
Security
Il-Garanzija tagħna
It-tweġibiet tiegħi huma siguri?
F'konformità mad-dispożizzjonijiet tal- Att dwar l-Awtorità Maltija tal-Istatistika 2000, l-informazzjoni kollha miġbura mill-NSO hija kunfidenzjali. L-NSO tiġbor data għal skopijiet ta’ statistika biss u ma tistax tippubblika informazzjoni identifikabbli jew taqsamha ma’ partijiet terzi. L-NSO se tapplika l-proċessi kollha meħtieġa ta’ kunfidenzjalità u ta’ anonimizzazzjoni għad-data ladarba tinġabar.
Qabel il-proċess tal-ġbir tad-data, l-intervistaturi kollha jieħdu ġurament ta’ segretezza kif stipulat fl- Att dwar l-Awtorità Maltija tal-Istatistika 2000 biex jiġi żgurat li l-informazzjoni personali tinżamm kunfidenzjali u sigura. Kwalunkwe apparat elettroniku użat matul il-proċess tal-ġbir tad-data (eż. tablets) se jiġi kkonfigurat b’tali mod (permezz ta’ kriptaġġ) biex jiżgura protezzjoni massima tad-data.
Konferma tal-IDENTITÀ TAl-INTERVISTATUR
Kull meta parteċipant jiġi kkuntattjat mill-intervistaturi tagħna, dawn se jintroduċu lilhom infushom u jispjegaw li huma impjegati tal-NSO. F’każ li jkollok xi dubji, tista’ ċċempel lill-Uffiċċju tagħna biex tikkonferma l-identità tal-intervistatur.
Kunfidenzjalita'
L-informazzjoni tiegħek hija kunfidenzjali. L-NSO jiġbor data għal skopijiet ta' statistika biss u ma jistax jaqsam jew jippubblika xi informazzjoni identifikabbli ta' partijiet terzi.
SUSPETT TA’ FRODI
F'każ ta' suspett ta' frodi, tista' tikkuntattja lill-uffiċċju tagħna biex tivverifika l-link tal-pjattaforma tal-web użata jew biex tivverifika l-identità tal-intervistatur tal-NSO.
X'mistoqsiiet mhumiex inklużi fl-Istħarriġ dwar il-Ħiliet f’Malta?
L-informazzjoni li ġejja mhux se tintalab bħala parti mill-istħarriġ:
- Numru tas-Sigurtà Soċjali;
- Informazzjoni bankarja jew dwar karti ta' kreditu;
- Affiljazzjoni ma’ partit politiku;
- Dħul finanzjarju;
- Flus u donazzjonijiet; u
- Passwords personali.
Kif tevita scams u frodi?
Il-phishing huwa att kriminali li bih xi ħadd jipprova jikseb l-informazzjoni tiegħek billi jippretendi li huwa entità affidabbli. Il-websites uffiċjali kollha tal-Gvern jispiċċaw b’“.gov.mt”.
Uffiċċju
National Statistics Office, Lascaris, Valletta VLT2000
Ċemplilna
1712
MT 
EN